जे खरे ते लपवण्याची सवय झाली,
या तुझ्या शहरी, जिण्याची सवय झाली!
पुस्तके ना वाचली, ना वृत्तपत्रे
रोज 'पाट्या' वाचण्याची सवय झाली
हो! मलाही लागले पाणी पुण्याचे
काय सांगू? भांडण्याची सवय झाली
कीस शब्दांचाच नुसता पाडताना
मूळ मुद्दा चुकवण्याची सवय झाली
भांडल्याविन जात नाही दिवस माझा
वाटते आता पुण्याची सवय झाली
Subscribe to:
Post Comments (Atom)
Posts
No comments:
Post a Comment