तू सांगितलंस ना मला....

तू सांगितलंस ना मला....
की तुझं प्रेम नाहीये माझ्यावर,
तेव्हा खूप दुखलं गं ह्रदयात....
उगाच एक अनावर हुंदका दाटून आला गळ्यात....
कमीपणाची जाणीव आयुष्यात पहिल्यांदाच झाली....
पण बरंही वाटलं मनाला....
किमान तू माझी फसवणूक तर केली नाहीस म्हणून....
कारण तसे झाले असते, तर मी नक्कीच उध्वस्त झालो असतो....
माझ्या भावनांची तू कदर केलीस म्हणून आभार मानावेसे वाटतात तुझे...
एका कवीचा अंत, किती कुशलतेने टाळलास तू....
आणि माझ्या पदरात टाकून गेलीस धुरकटलेलं आभाळ,
आणि भरकटत गेलेली स्वप्नं....